بسم الله الرحمن الرحيم
الجزء الأول من كورس إنشاء موقع بالكامل الشرح مكتوب والفيديو أسفل الشرح
الكورس مقسم إلى أجزاء يجب عليك متابعة الكورس بالكامل وهنا سأقوم بالشرح لفهم كل شىء حول الموقع وأشياء لن تجدها في أي موقع آخر لذلك يجب عليك المتابعة الكامله
أولا: الأساسيات لإنشاء أي موقع + إنشاء موقع فقط
لإنشاء أي موقع من أي محتوى يجب عليك أن تعرف أولا وتفهم أساسيات أي موقع وهي كالتالي:
1/ الدومين
2/ الاستضافه
3/ المحتوى
4/الحمايه
1/ الدومين / ماهو الدومين؟
الدومين (domain) هو كلمة انجليزية معناها نطاق بالعربي وماهو النطاق؟ لنقوم بالشرح على هذا الموقع
رابط الموقع أو لينك الموقع هو هكذا https://www.b-blash.com أين هو الدومين أو النطاق ..الدومين هوده b-blash.com
يعني اسم اللي انت مختاره + .com أو .net أو .org ....إلخ يعني حضرتك بتكتب اسم الموقع + .com/net/org أو شىء آخر تريده.. كده عرفنا الدومين.
من أين يأتي الدومين ؟ هناك شركات كثيره على الانترنت مثل شركة جودادي تبيع هذه الدومينات بسعر رخيص تقوم بتجديده سنوياً
2/ الاستضافه/ ماهي الاستضافه ؟
الاستضافه هي المساحه اللي انت هتضع فيها محتواك زي مكان هتبيع فيه بضاعه بالظبط أو (محل) يعني انت هترح لنفس الشركة اللي بتبيع الدمينات تقولهم عايز استضيف موقعي عندكم (انا بفهمك أكيد مش هتقولهم كده) هيقولولك عايز أد إيه المساحه فحضرتك هتلاقي عندهم خطط الاستضافه على أد فلوسك وامكانياتك بتشتري أو بتأجر لأنك بتدفع شهريا أو سنويا وبتختار المساحه بالامكانيات اللي انت عايزها وده هنشرحه بعدين ..
3/ المحتوى /ماهو المحتوى؟
المحتوى كأنك بتحط بضاعه في المحل يعني مثلا حضرتك عملت محل (الاستضافه) وحطيت يافطه (الدومين) ناقص البضاعه اللي هي المحتوى فحضرتك بتروح لمبرمج تقوله صمملي موقع أو سكريبت عشان تحط فيه محتواك تمام لحد كده؟
طب انت عندك أنواع محتوى كتيرزي (بلوجر/وورد بريس/جوملا/منتدى/...إلخ) كل دي أنواع سكريبتات لمحتويات مختلفه
4/ الحمايه/ماهي الحماية ؟
الحماية لأي موقع هي مقسمه لجزئين (شهادة ssl) ودي لحماية الموقع وأمنه وتشفيره يعني مثلا هتدخل أي موقع وليكن اللي انت فيه ده ببلاش هتلاقي فوق في الرابط https://www.b-blash.com حرف s (https) ده يعني سكيورتي او أمن الموقع ودي بتشتريها من نفس الشركة اللي بتشتري منها الدومين + الاستضافه .. ده طبعا غير برنامج بتشتريه أو شركة بتشتري منها حماية لموقعك نفسه من الاختراق...
هنا بقى السؤال ..عشان أعمل موقع هشتري كل ده وهعمل كل ده ...
هنا بقى أنا بسهل على حضرتك كل الكلام ده إزاي؟ شايف موقع ببلاش اللي انت فيه ده ..مدونة بلوجر او موقع بلوجر ..
إيه هي بلوجر؟
بلوجر دي منصه تبع شركة جوجل العملاقه اللي كلنا عارفينها بتديك دومين *استضافه+محتوى+ شهادة ssl مجاااااااني!!!
بتديك دومين بالشكل ده b-blash.blogsot.com وده طبعا باين أوي انه مجاني لان بلوج سبوت ده الناس الفاهمه عارفه انه تبع جوجل ومجاني ف حضرتك بتعمل إيه عشان تلغيها هتشتري دومين من شركة عاديه تاني وتربطه هنا في بلوجر بطريقة سهله وبسيطه هنتعلمها بعدين وبكده اانت عندك موقع هيكون ناقص بس تحط المحتوى بتاعك وتعدل عليه وده هنتعلمه بعدين إن شاء الله واحده واحده وكل حاجه مش هبخل عليكم بيها...ولشرح إزاي تنشأ موقع تابع الفيديو التالي:
ولتسهيل أكثر شوف الفيديو اللي جاي وفي نهاية كل درس هتلاقي فيديو هتفهم أكتر
وبكده انتهى الجزء الأول أتمنى التوفيق للجميع
مواقع التواصل الاجتماعي